![](https://www.dotrmrt3.gov.ph/strapi/uploads/450431216_783696240603245_6565154732866192713_n_d678e8a9c4.jpg)
Gamit ang underfloor wheel lathe machine, masinsinang kinikinis ng mga kawani ng MRT-3 ang mga gulong ng tren, para maayos na mapatakbo ang mga ito sa linya.
Dahil sa araw-araw na paggamit, hindi maiiwasan na magkaroon ng wear ang mga gulong ng tren. Ginagawa ang wheel truing o re-profiling para pakinisin, pantayin ang kapal ng mga gulong, at siguruhing pasok ito sa tolerance, para sa iwas-tagtag na biyahe ng mga tren.
Kung kaya, napakahalaga ng underfloor wheel lathe machine sa pagmimintina ng mga gulong ng MRT-3. Taong 2019 sa kasagsagan ng komprehensibong rehabilitasyon ng linya nang matapos ma-rehabilitate ang makinang ito. Ngayon, patuloy na napakikinabangan ang underfloor wheel lathe machine para sa maayos, komportable, at ligtas na biyahe ng MRT-3.