PINUNO NG KILIG AT TAMIS ng pamunuan ng MRT-3 ang biyahe ng mga pasahero noong Pebrero 14, Valentine’s Day.

Personal na namahagi si MRT-3 General Manager Oscar Bongon ng mga rosas, tsokolate, at heart pillows, na labis na ikinatuwa ng mga pasahero.

Nagtampok din ng harana ang mga kawani sa Shaw Boulevard Station kasabay ng pormal na pagbubukas ng Love Booth ng MRT-3.

"Sana po ay napasaya at napakilig natin ang ating mga pasahero ngayong Araw ng mga Puso sa munting sorpresa ng aming linya. At para tuloy-tuloy na makapagpangiti sa ating mga pasahero, ang Love Booth ng MRT-3 ay mananatili po hanggang buong buwan ng Pebrero. Ito ay simpleng paraan upang maipakita ang aming pasasalamat sa kanilang pagtangkilik at ang aming pagkalinga," sabi ni GM Bongon.

Mayroon ding free blood pressure checking para sa mga pasahero sa Shaw Boulevard Station na handog ng medical team ng MRT-3.