Nagsagawa ng mental health management seminar ang MRT-3 para sa mga empleyado, para mapaunlad ang kaalaman ng mga ito sa stress management at pagkakaroon ng emotional resilience sa trabaho.

Tampok bilang resource speaker si Dr. Alessandra Sofia Babao Guballa, isang psychiatrist, sa seminar na ginanap sa MRT-3 depot.

Tinalakay ni Dr. Guballa ang iba't ibang estratehiya upang mapanatili ang mabuting kalusugan ng isip at sigla ng mga kawani sa kanilang pang-araw-araw na gawain.

Bilang bahagi ng programa, nagbigay rin ng libreng neurological consultation para sa mga empleyado.

Ang seminar ay bahagi ng adhikain ng MRT-3 na pangalagaan ang kalusugan ng mga kawani nito, katuwang ang iba't ibang pampubliko at pribadong organisasyon.