Sinorpresa ng MRT-3 ang mga pasaherong ama noong Hunyo 16, Father's Day. Namahagi ng mini pillows ang MRT-3 na may tatak na "Happy Father's Day" sa mga tatay na may kasamang anak o pamilya.

"Taos-pusong binabati ng MRT-3 ang lahat ng mga ama at tumatayong ama ngayong Father's Day. Handog namin itong mga munting regalo sa kanila para makapaghatid ng good vibes at kahit kaunting ngiti ngayong kanilang espesyal na araw. Alam natin na araw-araw kumakayod at nagsasakripisyo ang mga haligi ng tahanan para mabigyan ng magandang buhay ang kanilang pamilya. Kinikilala natin ang kanilang mga sakripisyo at tayo ay nagbibigay-pugay," saad ni Transportation Assistant Secretary for Railways at MRT-3 Officer-in-Charge Jorjette B. Aquino.

Pinangunahan ni Operations Director Oscar Bongon ang pamamahagi ng regalo sa mga pasaherong ama.