Naging matagumpay ang functional testing ng mga kawani ng MRT-3 sa panibagong vertical wheel lathe machine ng MRT-3, na ginagamit sa pagmimintina ng mga gulong.

Dahil sa araw-araw na paggamit, hindi maiiwasan na magkaroon ng wear ang mga gulong ng tren. Ginagawa ang wheel truing o profiling gamit ang wheel lathe machine para mapakinis at mapantay ang kapal ng mga gulong.

Sa kasalukuyan, mayroon nang dalawang units ng wheel lathe machine ang MRT-3, na makatutulong sa pagpapanatili ng maayos na kondisyon ng mga gulong, para sa maayos, ligtas, at iwas-tagtag na biyahe ng mga tren.